На мое огромно задоволство како претставник од Општина Охрид имав можност да бидам во друштво на најмладите спортисти и таленти во ракомет на турнирот „5-ка за ракомет”.
Голема беше честа на спортските надежи и врвните тренери да им ги доделам пехарите и медалите.
Упатувам искрени честитки и благодарност до организаторите (проф. Катерина Стојаноска и Александар Стојаноски) и РШ „Седмерец“ – Охрид за успешната организација на ракометниот турнир, а на сите учесници, тренери, судии им посакувам уште многу спортски натпревари и успеси.
Турнирот го одржува спортскиот дух и влева надеж за успешни времиња на учесниците. Вистински почеток на нешто што започнува да прераснува во традиција.
Општина Охрид со своето посветено работење и понатаму има да продолжи да ги поддржува спортските настани и манифестации со цел промоција на спортот и градот.-напиша во својата ФБ објава советникот Перччо Божиноски.
