петок, март 29, 2024
News1.mkАктуелно

Струга под снежна покривка, поради интензивни врнежи забрана за камиони на патниот Струга-Ќафасан

Снежните врнежи во земјава донесоа нови проблеми. Струга под снежна покривка. Од утрово екипите на ЈП Комуналец се обидуваат да ги расчистат локалните патишта.

Во 07:45 часот се воведе забрана за сообраќај на тешки товарни возила и на патниот правец Струга-Ќафасан.

Поради обилни врнежи на снег, утрово од 06:20 часот воведена е забрана за движење на товарни моторни возила на патото Маврово – Дебар, соопшти АМСМ.

Сообраќајот на другите патишта се одвива непречено. Снег паѓа во западниот дел на државата.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.