Никој не може да даде точно објаснување за она што е љубов. Во 80-тите години на минатиот век американскиот психолог Роберт Сторнберг развива теорија за љубовта, која вклучува емоционална блискост, страст и посветеност. Понатаму тој теоријата ја развива и поставува 7 типови на љубов.
Оваа типологија ќе ви помогне да одредите во каква врска сте сега.
Зависна љубов
Ова е период во кој луѓето едвај се познаваат, но се чувствуваат силно привлечени еден кон друг. Во ваквиот однос, двајцата луѓе често немаат идеја дали имаат или немаат нешто заедничко, но сепак остануваат заедно.
Според психологот, овој занес може да се претвори во нешто поголемо, со текот на времето…
Соединувачка љубов
Во ваквиот однос, секој од двајцата партнери секогаш може да биде свој. Во овој тип на љубов луѓето обично се обединети од општи интереси, ставови за животот и чувството дека се разбрани. Психолозите веруваат дека таква интимност, без страст и посветеност, побрзо ќе доведе до пријателство отколку до комплетна љубов.
Празна љубов
Оваа љубов е типична за оние парови кои имаат односи без интимност и страст. Понекогаш овој тип на врска се случува после голема, страсна љубов. Луѓето кои доживуваат празна љубов можат да се променат, додавајќи страст и чувства и со тоа да ја променат својата врска.
Наивна љубов
Овој тип на љубов вклучува вложување и страст и е карактеристичен за многу двојки. Двете лица навистина се привлекуваат едни со други и се подготвени да следат одредени традиции како свадби, размена на завети, споделување на домашни обврски, но немаат вистинска близина.
Психолозите веруваат дека таквите двојки можат да живеат заедно долго време, но нивната среќа е релативна. Всушност, тие не го сметаат својот партнер за пријател.
Романтична љубов
Длабоката интимност и страст се карактеристични за овој тип на љубов . Партнерите се привлекуваат едни со други и се чувствуваат удобно заедно, но не се подготвени да навлезат кон сериозни врски. Односите од овој тип често не го достигнуваат нивото на соживот или брак.
Љубов, во која партнерите се сопатници во животот
Овој тип на љубов се состои од вложување и голема интимност. Ваквите односи се многу посилни од вообичаените пријателства и постои вистинска љубов помеѓу партнерите. Сепак, ова е сосема неверојатно, бидејќи во овој тип на љубов нема страст.
Психолозите велат дека овој тип на љубов може да произлезе по години на пријателско дружење.
Совршена љубов
Оваа љубов се состои од сите три компоненти – страст, емоционална блискост и посветеност. Нивоата на овие вредности не се секогаш исти, и ретко кога некој пар може да достигне совршена љубов. Сепак, оние кои успеваат да ја изградат, навистина се сакаат и најверојатно ќе можат долго да уживаат во бракот.
