Младите ракометарки на ЖРК Струга 2024 продолжуваат со одличните настапи, откако ја забележаа и третата победа во низа, совладувајќи го КХФ Јехона со 20:14.
Стружанки уште од самиот почеток на натпреварот го презедоа водството и со сигурна игра го контролираа текот на средбата, успешно приведувајќи го мечот до крај.
Натпреварот им овозможи на сите ракометарки да добијат шанса за настап, да придонесат на теренот и да стекнат драгоцено натпреварувачко искуство.
Со овој триумф, пионерките на ЖРК Струга 2024 го задржуваат максималниот учинок од три победи на три натпревари, потврдувајќи ја својата посветеност и желбата за постојан напредок.
Младите стружанки продолжуваат со напорна работа и амбиција за нови успеси, градејќи ја својата форма и тимскиот дух во продолжението од сезоната.
ЖРК Струга 2024 – КХФ Јехона 20:14.
