На спортското игралиште при ОСУ „Св. Климент Охридски“ вчера се одржа баскет турнирот 3Х3 „Гимназија куп 2026“, организиран по повод празникот Св. Кирил и Методиј.
Турнирот беше во организација на училишниот спортски клуб Гимназија Охрид, во соработка со ГКК Охрид и Општина Охрид.
На натпреварувањето учествуваа вкупно девет екипи, од кои седум во машка и две во женска конкуренција, со повеќе од 50 учесници.
Во машка конкуренција настапија две екипи од охридската гимназија, како и екипи од ОЕМУЦ „Св. Наум Охридски“, ГКК Охрид, Спортската академија, колеџот Јахја Кемал Колеџ и гимназијата Гимназија „Бора Станковиќ“ од Врање, Србија.
Во женска конкуренција силите ги одмерија екипите на охридската гимназија и гимназијата „Бора Станковиќ“ од Врање.
Настанот помина во одлична спортска и пријателска атмосфера, а турнирот за отворен го прогласи претседателот на Советот на Општина Охрид, проф. Перчо Божиновски.
Организаторите истакнаа дека целта на настанот е промоција на спортот, дружењето и младинската соработка помеѓу учениците од регионот.
