Со особена чест и задоволство, денеска го означив почетокот на 52. Општински натпревар по прва помош, кој под мотото „Првата помош спасува животи“ се одржува во организација на Црвен крст Охрид.
Повеќе од 200 ученици од основните и средните училишта од Охрид и Дебрца денес ги покажуваат своите знаења, вештини и подготвеност за укажување прва помош.
Особено ме радува што и оваа година натпреварот се реализира според европски стандарди, преку реалистични симулации и ситуации на повеќе локации низ Охрид.
Верувам дека Охрид и во иднина ќе продолжи да биде град кој ја негува хуманоста и солидарноста.
