„Ако комисијата одлучи, јас сум подготвена повторно да му дадам живот, исто како пред 25 години“, вели Гордана Лолеска, мајка на Давид кој боледува од Алпортов синдром.
Лолеска е претседателка на Здружението „Ретко е да си редок“, кое веќе осум години ја организира националната кампања „Ги запознаваме ретките болести“.
Нејзиниот син Давид се соочува со Алпортов синдром, ретка генетска болест, а таа со години несебично се залага за подигнување на свеста за ретките болести и за поддршка на лицата кои живеат со вакви состојби во Македонија.
