Агенцијата за промоција и поддршка на туризмот (АППТ), заедно со туристичкиот сектор, од 5-ти до 7-ми февруари 2025 година ги претставуваат македонските туристички потенцијали на Интернационалниот туристички саем „EMITT“ во Истанбул, Турција.
Македонскиот штанд привлекува огромен број на посетители, а беше остварена средба и со Фируз Багликаја, претседател на ТУРСАБ – Асоцијација на туристички агенции од Турција, информираат од АППТ.
Од Агенцијата за промоција на туризмот додаваат дека ги презентираа туристичките можности и капацитети во Истанбул заедно со 7 други учесници: BademTour “Balkan Incoming” ,Висит Балкан, Vardar Express, DMC Balkans Travel & Events, Ajdinis Travel , Hotel Makpetrol Struga – Хотел Макпетрол Струга и Delfina Turs.
На саемот, кој оваа година се организира за 28-ми пат, учествуваат повеќе од 90 земји.
