Денеска на градскиот плоштад со почеток во 12:30 часот ќе биде изведена претставата „Дедо Мраз, те сакам јас “. Се работи за возбудлива новогодишна приказна која нуди забава, игра и едукативни пораки за најмладите. Во претставата играат: Мирјана Поповска Ристов, Радо Алексовски и Роберт Ристов.
Со почеток во 13:30 часот ќе се одржи Новогодишен концерт на учениците од ОМУ „Методи Патчев“.
Утре на 31.12.2024 година со почеток во 12 часот ќе се одржи Новогодишен концерт на хорот „Ѓердан од бисери “. Во 12:30 часот ќе се одржи концертот „Охрид знае љубов што е“. Во 14:00 за добрата забава на градскиот плоштад ќе се погрижи Дј АЦЕ со своето Новогодишно музичко шоу, најавува градоначалникот Кирил Пецаков.
