Вкупно 90 натпреварувачи од САД, Украина, Турција и Македонија беа дел од спортскиот настан „Суп трки 2024“ кој се одржа вчера во водите на Охридското Езеро на потегот од Старото пристаниште до населбата „Канео“. Овој натпревар на вода се одржува по трет пат и е во организација на СУП клубот од Охрид.
Во рамки на социјално-едукативната програма на фестивалот на платото пред хотелот „Палас“ вчеравечер се одржа Промоција на водени спортови и опрема. Исто така беше отворена и изложбата на фотографии „Видови риби во Охридското Езеро“ во организација на Здружението на рекреативни риболовци „Свети Апостол Петар“.
На пригодна свеченост беа промовирани учесниците на „МЕЧ РЕЈС Европски куп 2024“. На оваа важна спортска манифестација, која годинава се одржува на Охридското Езеро, ќе настапат 8 тимови со четиричлен екипаж од Франција, Грција, Полска, Шпанија и Македонија. Домаќини на ова европско натпреварување се Клубот за спортско едрење „Охрид Меч Рејс”.
Денеска на програмата се настаните:
МЕЧ РЕЈС Европски куп 2024Промоција на водени спортовиБалканско јуниорско првенство на отворени води-Охрид 2024Промоција на рекреативно нуркање за децаИзложба: Подводниот свет на Охридското ЕзероДоделување награди на Балканско јуниорско првенство на отворени водиПромоција на пливачите учесници на „Охридски Пливачки Маратон“Музичка програма за најмладите со фестивалот Златно Славејче и концеротот Disneywww.ohridwaterfestival.mk, пишува градоначалникот во својата објава на ФБ.
