СВР Охрид поднесе кривична пријава против лице на (26) од Охрид, лице на (42) и лице на (38), двајцата од селото Лешани, општина Дебрца и лице на (33) од Охрид поради постоење основи на сомнение дека сториле кривично дело „насилство“, додека против едно лице е поднесена и пријава за сторени кривични дела „загрозување на сигурноста“ и „оштетување“, а против две лица е поднесена пријава поради постоење основи на сомнение за сторено кривично дело „напад на службено лице при вршење работи на безбедноста“.
Пријавените ги сториле кривичните дела на 11.06.2024 во угостителски објект на булеварот „Железничка“ во Охрид, каде што го нарушиле јавниот ред и мир со насилничко однесување, ја загрозиле сигурноста на присутните, упатиле закани кон полициски службеници кои вршеле службени дејствија и оштетиле службено полициско возило.
