Сунѓерот со жолто-бела боја и кадифест изглед на морски еж без боцки, кој живее на длабочина од 30 до 120 метри, со крупни димензии и дијаметар во основата од 13 сантиметри, обично е зацврстен на празни остатоци од школки, карпи или камчиња, се размножува преку целата година, постои во симбиоза со охридските ракчиња и како автохтон животински вид целосно се разликува од другите сунѓери кои живеат во поплиткиот дел од Охридското Езеро.
Охридскиот тркалезен сунѓер, кој е интересен за граѓаните, учениците и туристите, по првичната промоција со флаери и аквариум на градскиот плоштад, чека на посериозен зафат за негова популаризација, кој како раритетен до сега непознат охридски бренд, може да ја збогати туристичката понуда, посебно со нуркачкиот туризам на Охридското Езеро.
фото Никола Паскали ФБ
