Градоначалникот Кирил Пецаков упати честитка по повод 1.Мај-Меѓународниот ден на трудот.
– Во мое лично име и во името на Општина Охрид Ви го честитам Меѓународниот ден на трудот со најискрени желби за добро здравје, напредок и многу успеси.
Солидарноста, социјалната правда и борбата за унапредување на работничките права се основните симболи на овој празник. Работниците се најважната алка во развојот на економијата, па затоа ја заслужуваат сета наша почит и внимание. Постојано треба да се залагаме за подобрување на нивниот статус во сите сфери на општественото живеење бидејќи само така ќе може да обезбедиме повисок стандард и достоинствени услови за работа.
Се надевам дека Охрид во иднина ќе прерасне во туристички и стопански центар кој ќе обезбедува одлични егзистенцијални услови и ќе биде посакувано место за живеење за сегашните и идните генерации.
Имајте пријатни празнични денови, нека ни е честит и вековит Меѓународниот ден на трудот 1. Мај, стои во честитката на градоначалникот Пецаков.
