Во месецот посветен на спиналната мускулна атрофија, наскоро ќе ја споделиме приказната на Лина – нашата храбра девојка со SMA тип 2. 
Нејзината приказна ќе ја раскаже нејзиниот татко Хакан од Врапчиште – приказна за долгото барање одговори, тешкиот пат до дијагнозата, секојдневните патувања на физиотерапија и истрајната борба за навремено лекување. 
Кога семејството ја добило дијагнозата спинална мускулна атрофија тип 2, стравот и неизвесноста не исчезнале. Но, дијагнозата не била крај – таа станала почеток на уште посилна борба. 
Зад секој напредок на Лина стојат безброј патувања, терапии, лекарски прегледи, чекање, солзи и голема родителска љубов. За нејзиното семејство, секое движење, секоја насмевка и секој мал чекор напред претставуваат огромна победа. 
Преку своето искуство, Хакан испраќа важна порака до сите родители:
Читајте.
Истражувајте.
Прашувајте.
Побарајте второ мислење и не престанувајте да барате одговори кога чувствувате дека нешто не е во ред!Приказната на Лина е приказна за храброста, истрајноста и надежта. Таа нè потсетува дека зад еден навидум мал напредок понекогаш стојат години исполнети со љубов, жртва и непрестајна борба. 
Наскоро прочитајте ја приказната на Лина, раскажана од нејзиниот татко Хакан. 
За Лина. 
За сите деца со SMA. 
За сите семејства чии битки честопати остануваат невидливи.
Секоја приказна е важна. Секоја приказна инспирира.
