На 16.02.2026 во 06:30 часот во ОВР Струга е пријавено дека на магистралниот пат Подмоље- Струга, товарно возило „ман“,управуван од лице на (52) од Република Албанија, удрило во пешакот лице на (75) од струшкото село Ливада кој, од здобиените повреди починал на местото на несреќата.
Лекар од Итна медицинска помош Струга констатирал смрт, а увид извршила увидна екипа на ОВР Струга. Претходно, во 06:05 часот е пријавено дека починатото лице се оддалечил од домот на негов роднина во струшкото село Мислешево и дека имал здравствени проблеми.
Се преземаат мерки за расветлување на настанот.
