Синоќа во домот на културата во Вевчани КУД ” Дримкол” го одржа својот традиционален годишен концерт со наслов ” Од Битола до Вевчани се сардисано” . Концертот оваа година беше посветен на традиционалниот фолклор од југозападното играорно подрачје.
Синоќа вевчанци со песна и оро тргнаа од Битола преку Железник во Долна Преспа, потоа во Охрид и низ струшкото поле стигнаа во своето Вевчани.
-Особено ни е драг овој концерт бидејќи ја презентиравме традиционалната играорна култура на Брсјаците. Публиката со воодушевување ја прифати програмата и ја награди со силни аплаузи, истакнуваат од КУД ” Дримкол” Вевчани.
И со овој концерт КУД “Дрмкол” покажа дека е достоен чувар на традиционалната култура во нашата држава.
Концертот е финансиски поддржан од Министерството за култура на РС Македонија.
