Картите за големиот стенд ап настан на Бојан Велевски за утре во Центарот за култура се распродадени!
Настапот е утре (сабота), на 11-ти ноември 2023 година во Центарот за култура „Григор Прличев“ со Охрид со почеток во 20:00 часот.
Инаку турнејата започна од Прилеп, по што следуваа Струмица, Кавадарци, Гевгелија, Кочани, Битола, Куманово, Тетово и Штип. На овие настани турнејата собра над 5.000 луѓе.
Настапот во Охрид е утре, а за овој настап, Бојан вели дека за него е од особено значење:
– Во овие десетина години кариера како комичар, со Охрид сме се дружеле прилично ретко. Затоа овој настан од турнејата ми е еден од најважните затоа што сега охриѓани ќе можат да ме видат во едно вистинско светло. Ветувам спектакл и смеење на секои 20 секунди полни 75 минути, открива Велевски за OhridPress, кој е медиумски партнер и го поддржува настанот.
