На ул. Марко Цепенко, наспроти пералните во Охрид пронајдени две вреќи полни со месо и остатоци од животни (глави, нозе и делови и кожи од тела на животни). Граѓаните поради силната миризба ги отвориле вреќите, по што веднаш пријавиле во инспекциските служби и во Центарот за управување со кризи. Извори за Охрид 1 велат дека од ЦУК наместо веднаш да излезат на терен побарале граѓаните да дојдат до нивните канцеларии и писмено да побараат вреќите да бидат отстранети.
Неофицијално им кажале дека доколку писмено пријават денеска, утре ќе излезеле на терен и ќе ги дислоцирале вреќите.
Граѓани за Охрид 1 велат дека непријатна миризба се шири од болницата каде што е заразното одделение накај пералните.
Тие додаваат дека се плашат од заразни болести.
Прашањето кое се наметнува е од каде овие вреќи во остатоци од животни, кога овој период и на ловџиите им е забрането да допрат до леш од пцовисано животно.
извор: Охрид 1
