Антикорупциска ќе го испитува случајот со јавното претпријатие Водовод од Струга. Општинатата пред две години го продала земјиштето и објектот во кој беше сместено ова јавно претпријати, па сега струшки водовод за кирија месечно плаќа сума од над 3000 евра. Според комисијата, и кириите и продажбата на парцелата, но и судбината на музејот кој се наоѓа во близина.
„Да се продаде деловен објект на јавно претпријатие за потоа да се плаќаат високи кирии, првиот коментар е дека тоа оддава слика на недомаќинско работење. Кои се причините за тоа да се направи би било интересен податок за нашата комисија, зошто е продаден објектот, зошто се плаќаат толкави кирии, колку е всушност киријата по метар квадратен во тој регион…“, изјави Биљана Ивановска, Претседателка на ДКСК, за СИТЕЛ.
Директорот на Водовод, Дашмир Насуфи, тврдеше дека станува збор за над 400 квадрати простор и оти тој договор тој го наследил.
Нејасна е и судбината на струшкиот природно научниот музеј кој исто така се наоѓа на атрактивно земјиште. Во јавноста се шушка дека истиот ќе биде дислоциран, а на негово место изграден профитабилен проект.
