Со заеднички ангажман и поддршка од верниците и добронамерниците, успешно беше реализирана акцијата за препокривање на свештеничкиот конак при храмот „Св. Никола“ во струшкото село Враништа.
Активноста е завршена благодарение на придонесот и несебичната помош на сите кои се вклучија и дадоа свој удел во нејзината реализација.
Од храмот упатија искрена благодарност до сите учесници во акцијата, посакувајќи Божји благослов за нив и за жителите на Враништа.
Со ваквите заеднички иницијативи уште еднаш се потврдуваат значењето на солидарноста, меѓусебната поддршка и грижата за црковните објекти и духовното наследство на локалната заедница.
„Слава на Бога за сè!“
