Дали знаете дека вулканот Етна на Сицијлија е зона заштитена истовремено од УНЕСКО и неколку Европски системи на заштита, а таму има жичари, ресторани, квадрицикли, па дури и вакви возила со кои туристи се возат до активниот кратер.
Без никаква намера да сугерираме што да мислите, сами погледнете што се смее да се прави и да се печалат пари во УНЕСКО зоната на Етна и сами прашајте се зошто тоа не смее да постои во Охрид кој е заштитен само од УНЕСКО и неги ужива останатите статуси за заштите кои ги дава Европа ? !
 

Етна е впишана на Листата на светско наследство на UNESCO како природно светско наследство, според критериумите се третира како извонреден пример на тековни геолошки процеси и вулкански форми. UNESCO ја признава како еден од најактивните и најдобро проучени вулкани во светот. 

Дополнителна заштита Освен UNESCO статусот, просторот има и други нивоа на заштита: 
Етна е дел од Националниот Парк Етна   во кој заштитената  UNESCO зона опфаќа површина од 45,457 хектари ( што е површина поголема од целата територија на Општина Охрид  ) која има 38.993 хектари .
Делови од подрачјето се поклопуваат со 9 Natura 2000 заштитени подрачја според европското законодавство, што обезбедува дополнителна заштита за околу 77% од површината
ШТО СЕ НУДИ НА ТУРИСТИТЕ ВНАТРЕ ВО ОВАА ТОЛКУ ЗАШТИТЕНА И ЧУВАНА ЗОНА ОД УНЕСКО И ЕВРОПА  ? !
Во јужниот туристички дел на вулканот Mount Etna, кај познатиот Silvestri Craters и зоната Rifugio Sapienza, е развиен вистински мал туристички центар на надморска височина од околу 1900–2000 метри, до кој води асфалтен пат и може лесно да се стигне со автомобил, автобус или организирана тура.

 Жичара (Funivia dell’Etna)
Од тука започнува познатата жичара која ги носи туристите до околу 2500 метри надморска височина. Од горната станица, кога вулканската активност дозволува, продолжуваат специјални големи теренски возила 4×4 (off-road buses) кои се искачуваат уште поблиску до активните кратери, а дел од турите продолжуваат и пеш со водич.

Ресторани, кафетерии и одмор
Во непосредна близина се наоѓа Bar Ristorante Crateri Silvestri, еден од најпознатите ресторани со поглед кон кратерите, како и повеќе кафетерии, барови и места за одмор каде туристите уживаат во сицилијанска храна, кафе и локални специјалитети. Областа е многу популарна за кратки паузи по прошетките околу кратерите.

Продавници за сувенири
Околу кратерите има продавници со сувенири, лавини камења, вулкански сувенири, локален мед, рачно изработени предмети и типични сицилијански производи. Туристите често купуваат предмети направени од вулкански камен како уникатен спомен од Етна.

Апартмани и сместување
Во зоната околу Рифуџо Сапиенца и Николози има апартмани, планински хотели и сместувања за туристи кои сакаат да преноќат и да го доживеат изгрејсонцето или ноќните ерупции на Етна.

Квадрицикли и авантуристички тури
Многу агенции нудат изнајмување квадрицикли возење низ вулкански патеки, посета на лавини пештери и авантуристички екскурзии по црните вулкански полиња.

Туристички агенции и планинарење
Во туристичките канцеларии се организираат водени тури, планинарење до повисоките делови на вулканот, sunset tours, trekking до Silvestri Craters и експедиции кон повисоките активни зони на Етна. Дел од овие тури се дозволени само со лиценцирани вулкански водичи.

Зошто е ова место уникатно?
Малку места во светот овозможуваат со автомобил да стигнете толку блиску до еден од најактивните вулкани во Европа, а притоа да имате ресторани, жичара, сувенири, организирани тури и спектакуларен поглед кон активните кратери – сè на едно место. Токму затоа кратерот Силвестери е најпознатата туристичка порта кон Етна.

ВИДЕО РЕПОРТАЖИ ПОВРЗАНИ СО ТЕМАТА ОХРИД И УНЕСКО