Митрополитот на Дебарско-кичевската епархија г.Георгиј, денес се сретна со учениците од ООУ Свети Наум Охридски од село Пештани. Митрополитот се обрати со пригодно слово за светите сесловенски просветители и нивните ученици, а потоа следеше разговор со учениците. Од страна на директорката и наставниот колегиум, на Митрополитот му беше врачена благодарница за несебичната поддршка, соработка и придонес во афирмирањето на духовните,хумани и образовни вредности кај младите генерации.
