Се работи на неколку локации низ градот каде што имаше поплавување на улици и јавни површини, предизвикани од излевање на водотеци и атмосферска канализација. Во делови од градот, водата достигна повисоко ниво, поради што беше неопходно испумпување за да не се предизвикаат штети врз објектите.
Покрај справувањето со поплавените површини, екипите на ЈП ВОДОВОД Охрид интервенираа и на неколку локации каде што силниот дожд и ветерот предизвикаа пад на дрвја, со што беа блокирани делови од јавните површини.
Дежурни екипи на ЈП ВОДОВОД Охрид ќе бидат на располагање на граѓаните и во текот на ноќта и во наредните денови.
