Политичката партија „Знам“ својата изборна кампања ја започна со претправување пред мештаните од с. Лескоец. Предводени од носителката на изнборната листа Марина Ѓоргоска ја претставија својата изборна програма и предвидени планови за овој дел.
Од ЗНАМ истакнаа дека изборот Лескоец да биде првата точка на нивната кампања не е случаен – селото го сметаат за симбол на упорноста и желбата за подобар живот во локалните заедници.
„Нашата визија започнува токму од народот, од секое маало, секое село и секоја населба. Затоа сме овде, во Лескоец, за да ја потврдиме нашата заложба дека ќе бидеме блиску до граѓаните и нивните реални проблеми,“ порачаа претставниците на партијата.
Во своето обраќање, тие нагласија дека ќе се залагаат за подобрување на инфраструктурата, почиста животна средина, нови работни можности и поголема поддршка за младите и земјоделците.
Кампањата на ЗНАМ ќе продолжи и во другите населени места низ Охридскиот регион, а од партијата најавија дека ќе водат позитивна и транспарентна политичка борба, фокусирана на решенија, а не на поделби.
Со почетокот во Лескоец, ЗНАМ ја испрати пораката дека промените започнуваат од основата – од луѓето, нивните потреби и нивната надеж за подобра иднина.
