На 1. април 2025 година полициски службеници од СВР Охрид лишиле од слобода лице од Охрид, постапувајќи по претходна пријава од страна на маж од Охрид, заради постоење сомнение за сторени кривични дела „противправно лишување од слобода“ (чл. 140 ст.1 од КЗ) и „изнуда“ (чл.258, ст.1 од КЗ).
– Според пријавителот, инаку во роднинска врска со пријавениот, на 31-ви март 2025 година, околу 21:00 часот, пријавениот дошол во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја. Откако пријавителот ветил дека ќе ги исполни неговите барања, заедно се упатиле кон фирмата на пријавителот, при што тој успеал да побегне и случајот го пријавил во полиција. Пријавениот е лишен од слобода, а бил извршен и претрес во стан и други простории кои тој ги користи, при што се пронајдени пиштол, кеси со семки од канабис, остатоци од канабис, една дробилка. предмети со остатоци од бела прашкаста материја и друго. По целосно расчистување на случајот ќе следува соодветен поднесок, информираат од СВР Охрид.
