Студентот по историја при Филозофскиот Факултет во Скопје и член на новоформираниот “Клуб на Студенти по Историја – КСИ Илинден ” – Петар Симоноски во саботата на 29 март имаше своја презентација за мисионерската дејност на Климент Охридски во Задар, Хрватска на студентски семинар во организација на студентскиот клуб ISHA Zadar – “XVIII Денови на Историја при Универзитетот во Задар”.
Симоноски во своето обраќање ја истакна важноста на дејноста која ја изградил Климент Охридски учејќи од неговите првоучители Кирил и Методиј и дејствувајќи во областа Кутмичевица со градовите Охрид, Главиница и Девол. Како и климентовото епископување во периодот од 893 до 916 година. Според изворите Климент Охридски со свои раце го подготвил својот гроб и се упокоил во 916 година во Охрид во неговиот манастир.
Симоноски за Ohrid 1 изјави:
-Климент Охридски е една од најзначајните личности кој има голема заслуга за формирање на Охридската Книжевна Школа од која се образувале 3.500 ученици и кои продолжиле да го проповедаат христијанството и словенската писменост на балканските територии и словенските народи и како таква личност сметав дека е важна да биде презентирана пред младите колеги – студенти по историја во Хрватска а со самото тоа да се запознаат и за македонското културно наследство кое го поседува Охрид и Македонија.
Секако и голема благодарност до претседателот на ISHA Zadar – Карло Јовановиќ кој најпрофесионално, одговорно и колегијално организира студентски семинар на највисоко можно ниво и оваа година имаше рекорден број на учесници што само го потврдува фактот за самата висока организација од Задар.
