Првиот месец во 2025-та година ќе им донесе финансиски проблеми на неколку хороскопски знаци, други, пак, ги очекува добивка.
Во која група сте вие?
Прочитајте какви се финансиските предвидувања за вашиот хороскопски знак за јануари 2025-та:
Овен
Финансиската состојба ќе се подобри уште на почетокот на годината – некој најверојатно ќе ви врати заостанат долг или ќе ви исплати пари кои ги чекате одамна.
Ако имате нови бизнис идеи, сега е време да се обидете да ги реализирате или да разговарате со некој за деловно партнерство.
Некои Овни кон крајот на месецот ќе добијат понуда за хонорарна работа од некој близок – прифатете ја, бидејќи ќе ви донесе приход, но ќе ви помогне и да се стекнете со искуство кое ќе ви е неопходно во иднина.
Бик
Ако решите да се ангажирате во некоја нова бизнис гранка или ако сакате да ја смените работата, внимателно преговарајте за парите и не отстапувајте од некои свои принципи.
Некој ќе сака да му се приклучите во работата и да вложите пари во неговиот бизнис – не прифаќајте ништо и не давајте пари додека не сте 100% сигурни дека не станува збор за измама, но и дека ќе заработите.
Овој месец можеби повторно ќе останете без пари, но не смеете да се задолжувате за да го „завршите месецот“.
Близнаци
Овој месец ќе се фокусирате на решавање финансиски проблеми од минатото, па не брзајте да направите реорганизација на семејниот буџет или да правите идни планови.
Некои Близнаци ќе побараат покачување на платата, особено ако сметаат дека работат многу, а не се соодветно наградени за својата работа.
Ако не работите, можно е да се вработите во сферата на образованието, во ресторан или во продавница за облека.
Рак
Овој месец прво ќе направите анализа на 2024-та од финансиски аспект, а потоа и планови како годинава да не ги повторите финансиските грешки од лани.
Почетокот на јануари не ветува богатство, но затоа до крајот на јануари може да се случи пресврт во позитивна смисла.
Некои Ракови, сепак, ќе имаат неповолен месец – можно е да им стигне заостанат долг за итна наплата (дури и преку извршител).
Лав
На почетокот на месецот ќе треба да ги поставите темелите на вашата идна кариера без оглед дали сте невработени или сакате да смените професија.
Парите ќе ве водат кон целта, но понекогаш е можеби подобро да заработувате помалку и да сте задоволни, отколку многу, а да сте несреќни на работа.
Некои Лавови е можно да добијат пари преку некоја од игрите на среќа.
Девица
Имате чувство дека работите одат напред, а дека вие се ослободивте од товарот на парите кој ве мачеше кон крајот на 2024-та.
Но, не избрзувајте со заклучоците, бидејќи работите не се стабилизирани, ниту сте вие финансиски стабилни.
За среќа, крајот на јануари ќе донесе пресврт кон подобро за повеќето Девици и можност за хонорарна работа и повеќе пари.
Вага
Ако имате свој бизнис, ова ќе биде тежок месец за вас на финансиски план, бидејќи е можно да немате доволно пари за да ги исплатите вработените.
Вагите кои работат во сферата на уметноста или образованието ќе се изненадат од неочекувана добивка.
Сепак, кон крајот на месецот не се впуштајте во големи вложувања, или ако некој ви побара пари на заем – одбијте го.
Скорпија
Чувствувате притисок на работа, па размислувате да си дадете отказ, дури и по цена да останете неколку месеци без пари.
Според астролозите ова не е добра идеја, бидејќи финансиски неповолниот период може да потрае и до 6 месеци.
Јануари е месец кога мора да го намалите трошењето, па купувајте само работи што ви се неопходни и не правете залиха на евтини, а непотребни предмети или храна.
Стрелец
Месецов може да е тежок за Стрелците кои имаат приватен бизнис и работат со партнер, бидејќи може да се случи да го раскинете партнерството и тоа да предизвика финансиска нестабилност.
Оние Стрелци, пак, кои работат во областа на маркетингот, може да очекуваат зголемување на платата.
Почнете ја годината со план за штедење до кој ќе се придржувате во следните 12 месеци.
Јарец
Ако годината ја завршивте со добивка, на почетокот на Јануари ќе дојде до израз вашата дарежливост, па ќе сакате да донирате пари во хуманитарни цели.
Иако не треба да очекувате поголема добивка, месецов нема да имате ни загуба, па ќе бидете задоволни.
Ова ќе биде одличен финансиски период за сите оние чија работа е поврзана со пишување.
Водолија
Многу Водолии ќе сакаат да ја сменат работата – ова не е најповолен период за тоа, но ако сте решени, подобро прифатете помалку платена работа, отколку да „седите дома“.
Некои Водолии ќе добијат пари (или имот) од наследство или, пак, добивка од игри на среќа.
Кон крајот на месецот не вложувајте во несигурни работи и не потпишувајте договори кои може да ви наштетат финансиски.
Риби
Почетокот на месецот нема да ви донесе големи промени, но веќе од средината на јануари работите ќе тргнат на подобро.
Не барајте голема деловна можност за да се збогатите преку ноќ – подобро работете неколку помали работи и очекувајте финансиски прилив од неколку страни.
Доколку сакате да заработите повеќе, обидете се уште на почетокот на јануари да најдете работа на некој проект финансиран од странски фондови.
