Жителите од Стариот дел од Охрид вознемирени поради поголемо присуство на кучиња кои сами се шетаат околу Горна Порта. Имено читател на Охрид 1 до редакцијата на Охрид 1 испрати видеа со апел во кој пишува:
„Сакам да апелирам дека вчера, околу 00:00, на полноќ, забележани се „волци“ во стариот дел на Охрид.
Точната локација е на паркингот кај Горна Порта. Предходно, еден од „волците“ се движеше на улицата којашто води до Горна Порта, потоа „волкот“ се упати накај паркингот и непосредно после тоа му се “придружи” уште еден „волк“, којшто излезе од густата вегетација. Во прилог Ви испраќам неколку видео записи“, стои во дописот кој до редакцијата на Охрид 1 го испрати наш читател.
„Овие очигледно се мешавина на две раси на кучиња. Но, верувајте не се чувствуваме пријатно кога ги гледаме. Ако имаат сопственик апелираме веднаш да си ги прибери и врзи. Не е во ред вака слободно да шетаат“, вели жител на од Стариот дел на Охрид.
Инаку овој потег е многу раздвижен овој период. Паркирани автомобили од двете страни и многу пешаци кои одат во разглед на стариот дел на Охрид. Жителите, но и туристите реагираат дека се плашат од големите кучиња кои без ремче се пуштени сами.
видео: Читател на Охрид 1
