ОВР Кичево поднесе кривична пријава против (72) годишен жител од Кичево поради постоење основи на сомнение за сторено кривично дело „силување дете кое не наполнило 15 години“. Него, одредена му е мерка притвор во траење од 30 дена по што е спроведен во казнено поправната установа „Затвор-Битола“. Пријавевениот, во периодот од ноември 2024 до април 2025 година, во неговиот дом во Кичево и на други места, извршил други полови дејствија врз малолетничка од Кичево. По насоки на јавен обвинител, лицето е лишено од слобода, а со малолетничката, по извршен медицински преглед, извршен е разговор во присуство на член на нејзиното семејство, претставник на Центарот за социјални работи и адвокат за малолетници. Од страна на судија на претходна постапка, на лицето му е одредена мерка притвор во траење од 30 дена.
