Секојдневната борба со тешката болест за 56-годишниот Сафет Сабри продолжува, а сега му е потребна и нашата помош.
Според објавениот хуманитарен апел, Сафет веќе година и пол се бори со аденокарцином на белите дробови. За продолжување на лекувањето му е потребен лекот „Lumakras“ од 120 милиграми, кој треба да го прима во период од шест месеци.
Бидејќи лекот треба да се набавува од странство, потребни се значителни финансиски средства, поради што е покрената хуманитарна акција за собирање донации.
Сите кои сакаат да помогнат можат да донираат преку мрежата на Т-Мобиле со испраќање донација на бројот 143155.
Организаторите упатуваат апел и до оние кои не се во можност финансиски да помогнат да ја споделат објавата, бидејќи и на тој начин апелот може да стигне до некој кој ќе може да придонесе.
Секој придонес е важен. Со хуманост, солидарност и заедничка поддршка можеме да му помогнеме на Сафет во оваа тешка животна битка.
