Општина Охрид преку Одделението за култура надлежно за спомен-обележјата на подрачјето на општина Охрид, нивна санација, реставрација, чистење и одржување го реализираше проектот Дигитализација на споменици и спомен-обележја.
Во периодот на месец октомври и ноември 2024 година, направен е увид на 20 спомен обележја во општина Охрид. Наведените спомен обележја се дигитално мапирани и за истите е подготвен текстуален опис кој ги содржи општите информации и карактеристики за споменичните целини, како и фотографии од моменталната состојба. Со изработка на оваа дигитална мапа ќе се допринесе и во тековното надоградување на Регистарот на спомен обележја во Општина Охрид.
Дигиталната мапа содржи четири посебни слоеви, односно спомен обележјата се поделени на четири категории:
- Споменици на природата :
– Информативна табла за Охридското Езеро
– Спомен дрво Коџаџик
2 Христијански споменици:
– Споменик на Свети Климент Охридски
– Споменик на браќата Свети Кирил и Методиј
– Споменик на Свети Наум Охридски Чудотворец
– Споменик на Свети Климент Охридски
3. Споменици на лица од 19-20 век:
– Спомен гроб на Антон Кецкаров
– Спомен гроб на Григор Прличев
– Спомен биста на Христо Узунов
– Спомен биста на Спас Банџов
– Спомен биста н Григор Прличев
– Спомен биста на Методи Патчев
– Спомен биста на Андон Дуков
4.Спомен куќи и спомен плочи
– Спомен плоча на куќата посветена на Христо Узунов
– Спомен плоча посветена на формирањето на прв местен комитет
– Спомен куќа на Григор Прличев
– Спомен плоча на Марко Бошнаков
– Спомен плоча посветена на Коста Абраш
– Спомен плоча – Избор на први академици
– Спомен плоча – Детско игралиште „Нада Филева”
Оваа фаза се однесува на Спомен-обележјата во централно градско подрачје, а во понатамошните фази е предвидена е и дигитализација на сите споменични целини на територија на град Охрид со цел создавање на дигитална мапа на сите споменици и спомен- обележја која же биде објавена и поставена на охридската web страна.
Проектот по фази го реализира охриѓанецот Иван Малезанов.
