Здружението за ретки болести „Ретко е да си редок“ од Охрид, викендов одбележува 10 години активизам за ретките болести во Македонија.
По тој повод, на 12 и 13 октомври 2024 година во хотел Нова Ривиера ќе се одржи стручен симпозиум насловен „Ретки болести – дијагностички предизвици и терапевтски перспективи“, на кој учество ќе земат истакнати професори, доктори и претставници од пациентските организации.
Во недела, 13 октомври, симпозиумот ќе го отворат министерот за здравство проф. д-р Арбен Таравари, претседателот на Комисијата за ретки болести при Министерството за здравство проф. д-р Злате Стојаноски и претседателката на Здружението за ретки болести од Охрид „Ретко е да си редок“ Гордана Лолеска.
Во 11:15 часот, веднаш по отворањето на симпозиумот предвидена е прес-конференција на министерот Таравари, проф. д-р Велибор Тасиќ и претседателката на „Ретко е да си редок“ Гордана Лолеска.
На настанот посветен на 10 години активизам за ретките болести учество ќе земат проф. д-р Велибор Тасиќ, д-р Нора Абази Емини, проф. д-р Александра Јанчевска, д-р, д-р Иван Акимовски, проф. д-р Иван Барбов, д-р Николина Смоковска, нас. доц. д-р Никола Ѓорѓиевски, д-р Владимир Аврамовски, д-р Маја Божиновска Смическа, д-р Сузана Арбутина и доц. д-р Данило Нонкуловски.
Стручниот симпозиумот е акредитиран од Лекарска комора на РС Македонија во рамките на програмата за континуирана медицинска едукација со 8 бода.
