ДИК: Лицата кои ќе бидат во кругот на избирачките места, ќе можат да гласаат и по 19 часот

Поради метежот на дел од избирачките места Државната изборна комисија едногласно донесе одлука дека на сите гласачи кои најдоцна до 19 часот ќе се најдат во дворот или во ходникот од гласачкото место ќе им се овозможи да гласаат и по 19 часот, кажа претседателот на Државната изборна комисија, Алекандар Даштевски на прес-конференција пред малку.

Тој вели дека метежот на избирачките места настанува поради три причини: избирачкиот список има двојно повеќе страници за разлики од претходните избори и проверката оди побавно, потоа, како што вели Даштевски, една четвртина од отпечатоците на прсти на гласачите кои ДИК ги добила од Министерството за внатрешни работи се со лош квалитет па и утврдувањето на отисоците оди бавно. Како трета причина ги наведе ковид-мерките. Тој повтори дека на општинските изборни комисии им е пратено упатство, избирачките одбори во просторијата за гласање да пуштаат онолку гласачи, колку што има паравани за гласање.

Close