Пронајдени 18 кг кокаин меѓу банани во продавница во Хрватска

Утрово се пронајдени 18 килограми кокаин меѓу кутии со банани во продавница во Плоче, Хрватска, потврди тамошната полиција.

Кокаинот го пронашла работничка о продавницата и таа веднаш повикала полиција.

Полицијата соопшти дека биле пронајдени 16 пакувања во кои биле измерени 18,2 килограми кокаин со бруто мерење.

Полициските службеници го заплениле пронајдениот кокаин и започнале истрага.

Пред неколку месеци полицијата пронашла поголема количина кокаин во Плоче, а пред неколку дена Обвинителството покрена обвинение против три лица за криумчарење 56 кг кокаин од Еквадор преку пристаништето во Плоче.

Прашањето сега е дали кокаинот пронајден денес е дел од истиот товар.

 

извор/фото: агенции

Close