Русија ќе ја продава „Спутник V“ поевтино од вакцините на конкурентите

Русија ќе ја наплаќа својата вакцина против Ковид-19 „Спутник V“ помалку отколку нејзините конкуренти, затоа што Москва има намера следната година да произведе повеќе од милијарда дози во земјата и странство, изјави шефот на рускиот државен фонд за богатство (РДИФ) Кирил Дмитриев.

Деталите за точната цена се очекува да бидат објавени во текот на денот, но Дмитриев за британските медиуми изјави дека „Спутник V“ ќе биде значително поевтина од другите конкурентски вакцини со слично ниво на ефикасност.

Тасс пренеусва дека Дмитриев ова го изјави откако РДИФ и Националниот центар „Гамалеа“ соопштија дека новите податоци од клиничките испитувања, темелени на 39 потврдени случаи и 18.794 пациенти кои ги примиле двете дози од вакцината, покажале дека „ Спутник V“ е во 91,4 проценти ефикасна на 28-от ден и над 95 проценти на 42-от ден.

Close