109 прекршоци за неносење заштита на лицето, засилени акциски контроли на подрачјето на СВР Охрид

Според статистичките податоци на МВР, во изминатото деноноќие, на подрачјето на СВР Охрид, полициските службеници констатирале 109 прекршоци за неносење лична заштита на лицето (Охрид-33, Струга-35, Кичево-31, Дебар-10). Ним им се издадени прекршочни платни налози за сторен прекршок по член 6 став 1 од Уредбата со законска сила за носење лична заштита на лицето заради спречување на ширење на заразната болест Ковид-19. Воедно, полициските службеници самостојно, но и во координација со Државниот пазарен инспекторат извршиле 83 контроли врз угостителски и други објекти.

Со цел подигнување на безбедноста во сообраќајот, на 14.11.2020 година, СВР Охрид, на целото подрачје спроведе засилени акциски контроли. Полициски службеници од полициската станица за безбедност во патниот сообраќај Охрид, извршија контрола на 67 патнички и други моторни возила а кај тројца возачи, по извршено алкотестирање, констатирано е дека управуваат автомобил под дејство на алкохол а биле регистрирале три неправилно запрени патнички автомобили и еден прекршок сторен од моторциклист. На подрачјето на Струга, контролирани се 68 патнички и други моторни возила и во еден случај, констатирано е управување автомобил под дејство на алкохол како и два случаи на сторени прекршоци според одредбите од Законот за возила. Полициските службеници во Кичево, контролирале 39 патнички и други моторни возила и по направено алкотестирање, регистрирале два случаи на управување моторно возило под дејство на алкохол и два прекршоци сторени од возачите на моторцикли. На подрачјето на Дебар, полициските службеници од полициската станица за безбедност на сообраќајот на патиштата, контролирале 26 патнички и други моторни возила. Од извршеното алкотестирање, не било констатирано управување на возила под дејство на алкохол а биле евидентирани осум прекршоци сторени од моторциклисти и останати учесници во сообраќајот. Возачите кои управувале моторно возило под дејство на алкохол се исклучени од сообраќај и одземени им се возачките дозволи. Против нив, како и против сторителите на евидентираните прекршоци, ќе бидат поднесени соодветни пријави.

Close