Белгиско истражување открива „јасна врска“ помеѓу Ковид-19 и витаминот Д

Според истражувањето на белгиски болнички тим, постои „јасна врска“ помеѓу недостатокот на Д витамин во организмот и тешките случаи на Ковид-19.

Наодите на медицинскиот тим денеска ги објавуваат белгиските медиуми, кои го цитираат истражувањето што треба да биде објавено на 20 ноември.

Според биолозите вклучени во истражувањето, речиси половина од 16.274 пациенти инволвирани во студијата имале сериозен недостаток на Д витамин, ова било посебно видливо кај машките пациенти.

Биолозите сметаат дека недостаток на овој клучен витамин во организмот може да биде индикатор дека пациентот ќе развие сериозен случај на Ковид-19. Д витаминот е клучен за апсорпција на калциумот и магнезиумот и го зајакнува имуниот систем, пренесуваат медиумите.

Студијата треба да биде објавена во Американското списание за клиничка патологија за десетина дена.

Close