(ФОТО) Денеска се постави вториот асфалтен слој на коловозот на „Даме Груев“ во населбата „Христо Узунов“

Финишираат градежните активности за реконструкција на крак од улицата „Даме Груев“ во населбата „Христо Узунов“, напиша на својот ФБ профил градоначалникот на Охрид, Константин Георгиески.

Градоначалникот додава:

Во текот на денешниот ден се изврши поставување на вториот асфалтен слој на коловозот. Согласно предвидените активности, претходно беше извршено уредување на пешачките патеки од двете страни на улицата и беа поставени нови рабници.

Реконструкцијата на уличниот крак е дел од Програмата за уредување на градежно земјиште на Општина Охрид. Во текот на наредниот период се планира реконструкција на уште неколку краци од улицата „Даме Груев“.

Posted by Константин Георгиески – Градоначалник на Општина Охрид on Monday, August 10, 2020

Close