(ФОТО) Мицкоски го развеа знамето со сонцето од Кутлеш

И покрја тоа што според „Преспанскиот договор“ знамето со шеснаесеткрако сонце не смее да се истакнува на јавни места во земјава, а последниве неколку седмици тоа се брусеше со шлајферици од шахтите низ државава, синоќа на настан во селото Радовишка Ораовица лидерот на опозициската ВМРО ДПМНЕ Христијан Мицкоски играше оро држејќи го и веејќи го ова знаме.

Од селото Радовишка Ораовица Мицкоски на Фејсбук порача:

„Бев во Радовиш и Радовишка Ораовица, во преубавиот манастир Свети Горѓи. Сликата за тоа како живее Македонецот е тажна и жална, целосно спортивна од говорите на премиерот и неговата свита. Народот е огорчен од кастата на власт, за кои најважни се парите, криминалот и нивниот личен бенефит. Секој ден, секој час, Македонецот губи нешто. Ја губи слободата, стабилноста, интегритетот, идентитетот со кој тргуваат, ја губи европската иднина, зошто такви луѓе ни ја водат земјата. Наместо борба против криминалот имаме власт која води борба да го заштити криминалот, наместо борба за правда имаме промоција на неправда. Народот веќе не им верува, а не им верува зошто удрија по се што е свето и важно за нашите граѓани. На народот му одземаа три години, време на стагнација, време на најцрниот криминал некогаш сторен досега. Станавме држава каде премиерот е главата, а министрите главни пипци на криминалниот откопод кој хара по Македонија. Затоа наша обврска е да го вратиме сето она што е разрушено и украдено, да се бориме за секоја педа Македонска земја која ја опустошија и искрадоа. Да обезбедиме иднина и обнова на Македонија и сигурност на секој еден граѓанин. И Заев и неговата каста знаат дека само месеци се во прашање кога народот ќе ги порази а Македонија ќе победи!“

Напишете коментар

Вашата адреса за е-пошта нема да биде објавена. Задолжителните полиња се означени со *

Close