Русинките ќе можат да бидат камионџики, морнарки и машиновозачки

Русинките во иднина ќе можат да работат како возачки на камион или трактор, машиновозачки, морнарки, соопшти руското Министерство за труд откако го ревидира списокот на професии кои се забранети за жените во Русија.

Претходната листа содржела околу 400 забранети занимања за жените, што подразбира тешка работа или се поврзани со опасни услови, но сега се останати само стотина. Сепак, ако работодавачот обезбеди сигурни услови за работа, можно е да се вработат жени. Жените ќе можат да бидат капетанки на брод, но и морнарки.

Меѓу професиите кои остануваат забранети за жените се оние што се поврзани со хемиско производство, рударство, дупчење, обработка на метал, заварување, производство на нафта и гас, индустрија на обоени и необоени метали, електронско и радиотехничко производство, производство и одржување авиони, односно бродови, и други тешки работи.

Новата листа со професии за Русинките стапува во сила на 1 јануари 2021 година.

Напишете коментар

Вашата адреса за е-пошта нема да биде објавена. Задолжителните полиња се означени со *

Close