Поетска ноќ во Велестово

Триесет и првото издание на поетската ноќ во Велестово ќе биде отворено вечерва во селото Велестово во Охрид, и ќе трае до 18 август.

На поетската ноќ предвиден е настапот на вокалистката Евгенија Здравевска и Александар Петров како специјална придружба на тапан.

Годинешното издание на манифестацијата е посветено на поезијата на Иван Џепароски. За неговото дело ќе беседи професорката Наташа Аврамоска, а стиховите ќе ги интерпретира актерот Владимир Јачев.

Во тремот на црквата „Успение на Св. Богородица“ во Велестово, истата вечер ќе биде отворена и изложбата на академскиот сликар Воскресија Андреевска.

Годинава манифестацијата е подржана од Министерството за Култура, Општина Охрид и Комерцијална Банка.

Напишете коментар

Вашата адреса за е-пошта нема да биде објавена. Задолжителните полиња се означени со *

Close