Професорот Буџаковски за „Рекет“: Без помош од власта не е можно да се земат волку пари

Може ли воопшто да му се верува на обвинителство на чело со Русковска кое не ја прошири истрагата за „Рекет“ веднаш за да утврди има или не инволвираност, прво од специјалната обвинителка а потоа и од високи функционери од власта ? Дали сега е веќе доцна откако Јанева практично ја призна автентичноста на снимките што ги објави италијанскиот медиум, а телефонот и компјутерите се веќе форматирани и избришани – оти време за тоа имаше комотно овозможено со неделувањето на Русковска? И на крајот, можно ли е вака да тече разврската на скандалот без помош од власта? Не е можно вели за Алфа професорот по казнено право Стефан Буџакоски, од Охрид.

-Во оваа форма и волку големи суми на рекет без вмешаност од власта не е можно. Има случаи на рекетирање со прислушувани разговори. Во јавноста се вртат информации дека и други лица поседуваат прислушкувани разговори, изнудуваат некои поситни суми на пари како уцена за да не се објават разговори, но за ваков висок степен на поврзаност, неопходно е да има поширок опфат на истрагата за да се утврди кои сите се инволвирани, вели Буџакоски.

Според него Јанева призна лична вмешаност во скандалозниот „Рекет“ уште кога си поднесе условена оставка.

Напишете коментар

Вашата адреса за е-пошта нема да биде објавена. Задолжителните полиња се означени со *

Close